អង្គការ អាយ ឌី អ៊ី នាំមុខគេលើពិភពលោកក្នុងការអនុវត្ដ ដំណោះស្រាយផ្អែកទីផ្សា ដើម្បីកាត់បន្ថយភាពក្រីក្រ
| តើអង្គការអាយឌីអ៊ីជាអ្វី? អង្គការ អាយឌីអ៊ី គឺជាអង្គការមិនរកប្រាក់ចំណេញ អន្ដរជាតិមួយ ដែលមានជំនាញពិសេសក្នុងការ កាត់បន្ថយ ភាពក្រីក្រ តាមរបៀបការធ្វើទីផ្សារ។ អង្គការអាយឌីអ៊ី ជួយសហគ្រាស និងបណ្ដាញផលិតផលជាច្រើន អោយមានប្រាក់ចំណេញ ដែលផ្ដល់ប្រយោជន៍ដល់សង្គម និង សេដ្ឋកិច្ច ដែលមានភាព យូរអង្វែង ដល់ប្រជាជនក្រីក្រ ដែលរស់នៅតាមជនបទ ដោយជួយបង្កើន ប្រាក់ចំណូលរបស់ពួកគេ និងបង្កើនគុណភាព នៅក្នុងជីវិតរបស់ពួកគេដែរ។ កម្មវិធីក្នុងស្រុករបស់យើង
|
អតិថិជន
មុននឹងមកធ្វើការនៅរោងចក្រផលិតផើងចំរោះដែល ជារោងចក្រអង្គការអាយឌីអ៊ី បាន បង្កើត នៅក្នុងខេត្ដ កំពុងឆ្នាំង មីង សួន រ៉ាន់ ធ្លាប់ ផលិត និង លក់ ក្អមនៅផ្ទះរបស់មីងផ្ទាល់។ មីងមានប្រសាសន៍ថា “ការងារនេះប្រសើរជាងការលក់ដូរក្អមទៅទៀត” ហើយមីងបាន ប្រាប់ ថែមទៀតថា មីងមានប្រាក់ ចំណូលច្រើនជាងមុនពីរដង ហើយទៀងទាត់ ជាងមុន។ មីងមានប្រសាសន៍ថា “ឪឡូវនេះកូនៗរបស់ ខ្ញុំទាំងអស់បានចូលសាលារៀន ទាំងអស់គ្នា”។
នៅពេលលោកពូ សុខ សារ៉េន ឃើញស្នប់ជាន់ដែល គេដាក់លក់នៅផ្សារស្វាយរៀងលោកពូក៏ ទិញមួយ យកមកប្រើ ដើម្បី ស្រោចស្រពបន្លែ។ នៅរដូវដាំដុះ លោកពូអាចរកប្រាក់ចំណូលបាន ចំនួនពី ៥០ដុល្លា ទៅ ៧០ដុល្លាអាមេរិក គឺប្រហែលគ្នានឹងអ្នក ដែល ធ្វើដំណើរទៅធ្វើការនៅ ភ្នំពេញដែរ។ លោកពូ មាន ប្រសាសន៍ថា “សំរាប់ ខ្ញុំវិញ ខ្ញុំសុខចិត្ដនៅ ជួបជុំ គ្រួសារវិញ”។
លោកពូ ពោះម៉ាយ សំ សារ៉ាន់ និងកូន ទាំង៣នាក់ របស់គាត់ បានប្រើចំរោះទឹកស្អាតអស់រយៈពេល៧ខែមកហើយ។ គាត់បាន ទិញដោយបង់ថ្លៃរំលោះម្ដងបន្ដិចៗពីអ្នកលក់ផើងចំរោះនៅ តំបន់របស់គាត់។ លោកពូ សារ៉ាន់ដឹងថា ការដែលគាត់ទិញផើង ចំរោះ ទឹកស្អាតនេះ គឺជាការដាក់ទុនមួយដ៏ល្អ ពីព្រោះតែ ការដែលគាត់ចំណេញពេលវេលា និងលុយកាក់ ដោយ មិនចាំបាច់ដាំទឹករាល់ថ្ងៃទេ។ លោកពូមានប្រសាសន៍ ថា "ខ្ញុំសប្បាយចិត្ដណាស់ ពីព្រោះផើងចំរោះទឹកស្អាត ជួយការពារក្រុមគ្រួសាររបស់ខ្មុំ "។
ស្នប់ជាន់ដ៏សាមញ្ញមួយជួយអោយលោកពូកិន យាន និងមីង កិន នារី អាចផ្លាស់ប្ដូរពីការធ្វើស្រែចំការ សំរាប់តែចិញ្ចឹមគ្រួសារ អោយក្លាយទៅជាការធ្វើ ស្រែចំ ការដើម្បីពាណិជ្ជកម្មកសិកម្មខ្នាតតូចវិញ ដោយការ ដាំ និង លក់បន្លែ។ ពួកគាត់ទាំងពីរនាក់បានប្រើប្រាស់លុយកាក់ដែលគាត់រកបានតាមរយៈ ការលក់ បន្លែនេះ ដើម្បីពង្រីកដីបន្ថែម និងដើម្បី ការសិក្សារ របស់កូនទាំងប្រាំ នាក់របស់គាត់។ លោកពូ យានបាន មានប្រសាសន៍ថា "បន្ទាប់ពីកូន ទាំងអស់មានការអប់រំចេះដឹងអស់ហើយ នោះ ខ្ញុំនឹងចាប់ ផ្ដើមជួសជុល កែលំអផ្ទះ" ។
លោកពូ ស៊ីម សុខុម ដែលជាប្រធានក្រុមប្រឹក្សាឃុំនៅក្នុងខេត្ដកំពង់ស្ពឺ បានទិញផើងចំរោះទឹកស្អាតនេះមួយឆ្នាំមកហើយ។ ដោយបានឃើញ ថាវាមាន ប្រយោជន៍ ជួយដល់សុខភាពរបស់សមាជិកគ្រួសារទាំង ៨នាក់ របស់គាត់ លោកពូក៏ផ្សព្វផ្សាយអោយ ក្រុម ញ្ញាតិមិត្ដដទៃទៀតទិញប្រើដែរ។ លោកពូមាន ប្រ សាសន៍ថា "ឪឡូវនេះ ពួកយើងមានការជឿ ជាក់ទុក ចិត្ដទៅលើប្រភព ទឹកដែលពួកយើងបរិភោគ ហើយ វាមានការងាយស្រួលណាស់ "។
អ្នកស្រី នា សំអឿន និងប្ដីរបស់គាត់ មិនដែលគិតថា អាចដាំដំណាំ នៅជុំវិញផ្ទះរបស់គាត់បានទេ ។ បន្ទាប់ពីបានប្រើប្រាស់ ប្រព័ន្ធស្រោចស្រព្វ ដោយដំណក់ទឹក ក្នុងការដាំសណ្ដែកកួរមួយរដូវកាលមក ពួកគាត់មានទំនុកចិត្ដយ៉ាងខ្លាំង ដោយពួកគាត់អាចពង្រីកផ្ទៃដីដាំដុះបាន ៣០០ម៉ែត្រការ៉េថែមទៀត ។ “ខ្ញុំមានការភ្ញាក់ផ្អើលនិងរីករាយជាខ្លាំងដែលដំណាំ នេះដុះដាលលើផ្ទៃដីរបស់ខ្ញុំ ឥឡូវយើងអាចធ្វើអោយ ការរស់នៅរបស់យើងល្អប្រសើរពីការដាំដុះនេះ “ ។
មីង សោម ភិរម្យ ដែលជាកសិករនៅ ក្នុងខេត្ដ ស្វាយ រៀង បានមានប្រសាសន៍ថា "ឪឡូវនេះខ្ញុំមិន ចាំបាច់ទៅយួរទឹកពីកន្លែង ឆ្ងាយៗដូចមុនហើយ គឺវាជួយអោយខ្ញុំ ចំណេញពេលវេលា អាចធ្វើការ អ្វីផ្សេងៗបានទៀត.... "។ អ្នកមីងបានប្រើប្រាស់ ប្រព័ន្ធតំណក់ទឹក ដើម្បីដាំត្រសក់ និងសណ្ដែកនៅ លើដីដែលមានទំហំ៥០០ម៉ែត្រការ៉េ។ ប្រព័ន្ធតំណក់ ទឹកនេះមានតំលៃត្រឹមតែ ៤៥ដុល្លាអាមេរិកប៉ុណ្ណោះ ប៉ុន្ដែមីងអាចរកប្រាក់ចំណេញបានដល់ទៅ ៨០ដុល្លា ក្នុងមួយរដូវ ដែលមីង ចំណាយទៅលើការសិក្សា របស់កូនទាំង៤ របស់មីង។
នៅខេត្ដស្វាយរៀង បន្ទាប់ពីបានចូលរួម ក្នុងការ សាកល្បង ប្រៀបធៀបប្រព័ន្ធស្រោចស្រព្វដោយដំណក់ទឹក ជាមួយនិងការរែកស្រោចតាមទំលាប់ លោក ម៉ុក សំអែម បានមានប្រសាសន៍ថា “ខ្ញុំនឹងទិញ ប្រព័ន្ធស្រោចស្រព្វ ដោយដំណក់ទឹកថ្មីមួយគ្រឿងទៀត នៅពេលដែលរបស់ចាស់ ត្រូវការផ្លាស់ប្ដូរ ពីព្រោះវាចំណេញពេល និងបង្កើនផលប្រយោជន៍របស់ខ្ញុំ “ ។
អ្នកមីង កៅ ស៊ីធឿន ធ្វើការផ្សព្វផ្សាយអំពីបង្គន់អនាម័យ រយៈពេល ២ថ្ងៃកន្លះក្នុងមួយសបា្ដហ៍ ក្នុងសហគមន៍ របស់គាត់ នៅខេត្ដកណ្ដាល។ កាលពីខែមុន គាត់បានជួយជំរុញអោយប្រជាជន ចំនួន ២០គ្រួសា រទិញបង្គន់ងាយស្រួលមានតំលៃថោក សមរម្យ ដែលទទួលបច្ចេកទេសពីអង្គការ អាយ ឌី អ៊ី។ ជាងផលិតបង្គន់ងាយស្រួល ដែលទទួល បច្ចេកទេសពី អង្គការ អាយ ឌី អ៊ី បានផ្ដល់នូវកំរៃ ជើងសារដល់ អ្នកមីង ១ ដុល្លារ ក្នុងបង្គន់មួយឈុត ដែលអ្នកមីងលក់បាន ។ អ្នកមីង ស៊ីធឿន មានយោបល់ថា កំរៃជើង សារបានពីការលក់បង្គន់ គឺសមស្របសំរាប់គាត់ ។ គាត់ក៏បានបន្ថែមទៀត ថា ខ្ញុំពេញចិត្ដនឹងធ្វើកិច្ចការនេះ ព្រោះវាមានប្រយោជន៍ដល់ សហគមន៍របស់ខ្ញុំផងដែរ ក្នុងការលើកកំពស់អនាម័យ ដោយបញ្ឈប់នូវ ការបន្ទោរបង់ពាសវាលពាសកាល។